طرح المطرب محمد شاهين أغنية جديدة له تحت مسمي "متعشم في مين".
الأغنية من كلمات مودي نبيل ، ألحان و توزيع أحمد عز ، انتاج ريتش رويل ، إخراج أحمد جريزمان ، ميكس ماستر ماهر صلاح .
وروج لها شاهين عبر صفحته الرسمية بموقع تبادل الصور و الفيديوهات إنستجرام و علق كاتباً:"متعشم في مين ، دلوقتي علي يوتيوب و كل المنصات الموسيقية".
كلمات أغنية متعشم في مين :
متعشم في مين
إللي تمنه فلوس رخيص
إوعي تزعل ع الخسيس
ما إحنا قولنا بلاش تقيس
يوم غلاوتك عند حد
ناس بنيتهم وقعوك
نار تاكلهم لو شافوك
يوم بتضحك يحسدوك
النفوس شايلين بجد
عيشت بتنور حياتهم
كنت ليهم طوق نجاتهم
وأما أول فرصه جاتهم
دول بإيدهم غرقوك
كان بيتدارى ف هزارهم
غل وصغرت ف نظرهم
قلبك الغلبان عذرهم
لما كانوا بيجرحوك
عيش وملح معاك خانوه
ياخدوا خيرك ينكروه
حتى قلبك كسروه
داسوا على عشرة سنين
شوفت أقرب حد ليك
كله شر بيئذى فيك
فوق ده كان مضحوك عليك
انت متعشم ف مين.
