كشف الفنان باسم سمرة، عن رأية في التربية الحديثة، إلى جانب رأيه في مصطلح المرأة المستقلة.
وسألته ياسمين عز في برنامج كلام الناس مع الإعلامية ياسمين عز عبر قناة MBC مصر: «إيه رأيك في التربية الحديثة، والبنت اللي تكون لسه صغيرة في المدرسة وتسافر لوحدها؟».
ورد باسم سمرة: «دي مش تربية حديثة.. دي قلة أدب.. أنا معنديش الكلام ده وما أشجعش عليه.. إحنا عندنا دين وأخلاق والتربية الحديثة دي تربية بره مش هنا في مصر.. وإحنا عندنا أصول فلاحين لأننا من المنصورة.. وكده هنطلع أجيال مش سوية».
وأضاف باسم سمرة: «السوشيال ميديا أثرت بالسلب وخصوصًا على الأطفال والجيل الحديث محتاج رقابة من البيت ومن الأم والأب والأخ، وإحنا عندنا عادات في منتهى الجمال زي الكرم والأدب دي التربية الحديثة اللي نعتمدها مش اللي ييجي لينا من بره ولا من النت».
كما كشف باسم سمرة، عن رأيه في مصطلح المرأة المستقلة، قائلا: «على حسب هي متعلمة ازاي.. يعني لو مثقفة وعندها لغات يبقى عندها جزء كبير أنها تبقى مستقلة في شغلها ورأس مالها، لكن لو الصبح قالت أنا عاوزة أبقى مستقلة ده عند أمها بقى ويبقى نهارها أسود».
كما تحدث باسم سمرة عن نجاح مسلسل العتاولة وكواليس مشاركته في العمل، وتحدث أحمد السقا في مداخلة هاتفية بالبرنامج وتحدث عن العمل، وقال سمرة مازحًا: «انكشي السقا شوية هتلاقيه بيلغبط فيا عادي»، ليعاود قائلًا: «هو حبيبي وأخويا والله قلبه طيب وربنا يزيده ويعليه كمان وكمان يا رب».
