أثار ظهور الفنانة راندا البحيري بوزن زائد وملامح شاحبة في آخر مقابلة تلفزيونية مع الإعلامية مروة صبري، قلق جمهورها وتوقع البعض أنها تعرضت لوعكة صحية خطيرة.
وحرصت راندا البحيري، على توجيه رسالة لجمهورها بعد تصدرها التريند في الأيام الأخيرة بسبب ظهور وزنها زائد في تسجيل بعض البرامج.
وكتبت راندا عبر حسابها الرسمي بموقع التواصل الإجتماعي «فيسبوك»: "اطمنوا عليّا..أنا كويسة جداااااا الحمدلله ..اللي كان مخليني مش فرحانو فتره طويلة ان كان فيه أسرار كتير و حاجات مقولتهاش لبني آدم و حاولت أقولها للناس المعنية بحلها و معرفتش، بس بجد لما خرجت مني للناس القريبين الطيبين ارتحت الحمدلله جداً إنما فكرة الشغل و كده أنا مش بشتكي أساساً و لا عايزه حاجه من حد و الحمدلله أنا حالتي المادية كويسه جداً و شغاله في حاجات كتير تانيه غير التمثيل".
وأضافت قائلة: " بالنسبه للوزن الزائد اللي ظهرت بيه في حلقة الإعلامية الجميله أوي مروه صبري ف أنا كنت خارجه من دور برد قاااااسي قعد معايا شهر خدت فيه 3 علب مضاد حيوي و خدت دوا علشان اقدر أتنفس و خدت دوا للحساسية والأدوية خلت المياه تتحبس تحت الجلد ده غير إن الزاويو اللي اتصورت منها كانت مش حلوه تماما و الاضاءه متظبطتش علي وشي صح وانا كنت مرتبطه ب برنامجين برنامج مروه صبري و بعدها ب 18 ساعة برنامج مروة عبد المنعم علي قناة الشمس و بالرغم من ان الوزن الزائد مش حاجه المفروض أطلع أبررها".
واختتمت كلامها قائلة: "بس أنا حبيت أوضح مش أبرر علشان لاحظت إن فعلاً فيه ناس خافت عليّ و فيه ناس تانيه ابتدت تطلع إشاعات ان فيه عندي حاجه اكبر من كده بس الحمدلله أنا بطمنكم مفيش اي حاجه وا صلا المياه اللي تحت الجلد دي نزلت بعد تصوير البرنامج بـ 48 ساعة وأنا دلوقتي حالاً أحسن بكتير اوي اوي".
من ناحية أخرى تنتظر راندا البحيري، عرض مسلسل "شمال إجباري" بطولة صلاح عبد الله، هاله فاخر، فراس سعيد، عماد رشاد، سامح الصريطي، منير مكرم، نوليا مصطفى، إخراج محمد خضري، تأليف خالد الغيطاني، ومن المقرر عرضه خلال الفترة المقبلة.
اقرأ أيضًا : أول ظهور لـ محمد عبده بعد الإعلان عن إصابته بالسرطان | فيديو
