المذيع صدى الزمن
(مغرب 19 رمضان 1393-15أكتوبر 1973
خلفية والشعب يدعوا الله نصر كاملا)
••
( أصوات تحركات عربات عسكرية )
جندى -المدفع ضرب يا أفندم
الضابط - كل المدافع بتضرب ؟!
- مدفع الافطار يا فندم
- وسمعته فين يا مقاتل
- الراديو الترانزستور فى جيبى الصغير على طول
- فاضى
- باتابع اخبار الحرب و الشمس غابت
- ؟! عندك وقت للرومانسية
- عندى وقت لكل حاجه ( ضحكات )
- برافو الواحد ناسى الصيام فى اللى احنا فيه
(صوت النقشبندى فى تهليل رمضان )
( اقدام تقترب من ملجا أحدالضباط )
الضابط – ترفيه ..شاى من غير سكر ( ضحك ) وباقول مجموعة القيادة بيهللوا اتاريك بتدلعهم
- 9 أيام حرب وفطار وسحور وجبات جافة قلت افاجئهم بحاجه تفرحهم
- الشاى ••؟!بقى فرحه
- حاجه تخفف الجفاف اللى احنا فيه
- ( صوت شفطة شاى )
- ياااه جت فى وقتها
- (فاصل موسيقى )
- (صوت الضابط ينادى )
- يا مقاتل
- (صوت اقدام مهرولة)
- افندم
- مش انت رومانسى
- يا افندم بلاش تتريق عليا
انا مقاتل شرس وسيادتك تشهد
- - طبعا
- باقولك ايه
- أامر
- لو رفهنا على العساكر دى نعمل لهم ايه
- اللى تشوفه سيادتك
- تخيل فى السحور يلاقوا ساندوتشين فول وطعميه وخيارة وطمطمايه
- يااااااه فكرة جميله
- انت أكلت ?!
- مع زملائى يا فندم
- بانساك وأحنا فى الحرب
- زملائى ما بينسونيش يا افندم
- ايه رأيك فى الفكرة
- أمر يا افندم
- اقدر أوفر لك الفلوس بس م مواصلة لا
- الجيش قال أتصرف
- أحنا 15 كيلو شرق و المعبر و السويس والكربة مصر الجديدة صعب تلقى فى السويس
- ربنا يسهل يا أفندم
- ها تقدر ولا مش ها تقدر
- يا أفندم أحنا عبرنا القناة وحطمنا بارليف هاأغالب فى سندوتش فول
- ( صوت سيارة متحركة )
- خدنى معاك يا وحش
- أركب
- ( صوت أنطلاق عربة عسكرية كبيرة )
- صوت عسكرى مجاور
- على فين يا دفعه
- مأمورية سريعه
(صوت عربة على الطريق ورياح وطلقات بعيده )
- اجازة ولا بايت فى القاهرة
- بتهزر •• صدقنى لو بيتنا فى طريقى لن أذهب لأطمنهم أنا ذى زملاءئى وقتى للمامورية وأرجع أسرع ما يمكن
- (صوت زحام وضجيج )
- خلص لى طلبى بسرعه يا حاج انا مستعجل عاوز ارجع بدرى
- ما كل زملائك مستعجلين خليك فى دورك
- ماشى احفظ لى دورى لغاية ما أجيب شوال للسندوتشات
- ( صوت راديو بأغانى الحرب )
- حاضر يا دفعه هاجيب لك الشوال
بس بتعد الخيار والطماطم ليه ما تأخد بالكيلو
- ها أعد وبعدين أوزنهم و ما يهمكش
- انت بتقول راجع راجع فين
- (بفخر )– الشرق طبعا
- سلم لى عليهم
- ( اغنية مع صوت هدير موتور سيارة - ثم اوامر عبور على المعبر)
- هرولة أقدام مع أنفاس لاهثه
- تمام با افندم
- انت لحقت برافو يا مقاتل على طول جدع وسداد
- أتفضل يا افندم
- ساندوتشاتى ها أخدها بعد العساكر وباقى المجموعه
- اعارف يا أفندم من أيام التدريب وحرب الاستنزاف ده طبعك وعامل حسابى ساندوتشات سيادتك فى الاخر
- امال أيه ده
- دى الفلوس اللى سيادتك صرفتها لى علشان الساندوتشات
- ايه ها تبقشش على الجيش
ولا عملت حاجه غلط ••أوعى
- يا افندم ازاى بس دى تحيه
- من مين ؟!
- باشترى الشوال من الخضراتى أخد باله ان الموجودين بياخدوا الاكل فى شنط ورق وانا واخد شوال سألنى راجع فين قلت له الشرق
- وبعدين
- أصر ما ياخدش فلوس ودول تحية للرجاله
- أناعارف محل الخضار ده بسيط قوى
- كله يهون علشان الرجاله
- وانت ما صدقت
- لا والله قلت له دى فلوس ميرى .. بس ابدا
- يشكر
- يشكر جدا ده عمل عمله ريحتنى فى الوقت وتعبتنى كمان
- ازاى
- محل الفول زحمه جدا ••ما سيادتك عارف الكربة مركز حركة عساكر كتير فى المنطقة وموقف الاتوبيس الميرى
- هه
- وطلبى كبير شويه والراجل قال لى أستنى دورك وبيمشى الطلبات البسيطه لغاية ما يفضى
- وبعدين
- بتاع الخضار وقف له وسط الزحمه وقاله الراجل دة واخد سحور لرجاله فى الشرق مشيه بسرعه
- تمام
- الراجل ما كدبش خبر وخلصهم ومعاه الصنايعى ..والخضراتى قعد يرص معايا
- يشكر
- قام فى الحساب قال ده سحور الابطال هديه ووالله أكدت عليه كل اللى قلته للخضراتى فحلف طلاق ما يرجع فى كلامه
- ( ضحك مبهج )
- وانت جاى بتنهج ليه
- علشان الحق السحور يا أفندم
فاضل نص ساعه بس على الفجر
- ( صوت ضابط مرافق فى الملجا )
- واضح ان العسكرة ده جدع قوى
- راجل
- طيب أدينى أسمه علشان فى أول نزول العساكر أزود له الاجازة مكافئه
- (ضحك )
- بتضحك ليه
- لا أبدا بس دى مصر
- خير
- تعرف أسمه ايه
- أيه
- جرجس شنوده
- ( ضحك شديد )
- مصرى
••
(حلقة اذاعية)
محمد علي السيد يكتب: ساندوتش فول
