حلت النجمة ياسمين عبد العزيز، ضيفة في برنامج "صاحبة السعادة" المذاع على قناة Dmc، التي تقدمه الفنانة والإعلامية إسعاد يونس، وتحدثت ياسمين عبد العزيز عن والديها وعن بدايتها في الإعلانات: " والدي ووالدتي كانوا منفصلين من وأنا عندى 9 سنين، ولما دخلت الإعلانات كان عندى هدف إنى أكون مسؤولة عن نفسى وإنى أكسب فلوس".
وأضافت ياسمين عبد العزيز: "كنت مركزة في راسى إنى عاوزة أبقى حاجة ويكون معايا فلوس وناجحة، ولما دخلت في شغل الإعلانات وأنا عندى 12 سنة، أمي كانت بتيجى معايا التصوير، وأنا اللي كنت بأتفق على كل حاجة وعلى الفلوس، وأنا اللي بقول هعمل إعلان إيه بالظبط".
اقرأ ايضاً .. ياسمين عبد العزيز باكية: أنا بعشق أحمد العوضي
وعن بدايتها في الإعلانات قائلة: "بدأت الإعلانات وكان عندى 12 سنة، وكنت بحب أتفرج على الإعلانات وأتفرج على البنات وكنت أقعد أقلدهم وأعمل زيهم، ودايماً في حاجة لما يكون نفسك في حاجة بتخيل نفسي في الحاجة اللي عوزاها".
وتابعت ياسمين عبد العزيز: "سبحان الله كان في صديقة لوالدتي اسمها دينا بتشتغل في شركة إعلانات، وكانت هي سبب بعد ربنا في بدايتي في الإعلانات، لأنها لما شافتني عرضت عليا إنى أعمل إعلانات فقلت لها آه طبعا، أمي كانت موافقة لكن والدي وأخويا الكبير مكانوش موافقين.
