قال الفنان سامي مغاوري انا لم يكون كومديان في بداياته الفنية بل بدأ تراجيدي عبر مسرح الجامعة وقدم الكثير من الأدوار الجادة ثم أتت مرحلة الكوميديان في مسرح الطليعة مع اكتشاف سمير العصفوري له في الجانب الكوميدي ".
تابع خلال لقاء " عبر " برنامج " كلمة أخيرة " الذي تقدمه الاعلامية لميس الحديدي على شاشة “ ON":" من بداياتي من عمر سبع سنوات وهو عمر طويل من العطاء الفني وبدات إذاعة في عمر سبع سنوات وخالي أحمد زكي كان مخرج إذاعة قبل ان يترقى ويصبح وكيل وزارة ثقافة واستاذ أكايديمة الفنون شافني وانا طفل بمثل في البلكونة وماسك عصايا وبلعب بيها فسألني أنت بتحب التمثيل ؟ ومكنتش فاهم يعني إيه تمثيل تاني يوم أخدني الاذاعة ".
استطرد: وقفت تاني يوم أمام كبار ولم اكن أعرف من هم كنت لسه صغير في تانية إبتدائي معرفش أقرأ إسكربت جابولي مدرس لغه عربية اسمه نظير عبد الجابر الله يرحمه كان بيحفظني المسامع ويقف جنبي ويغمزني في كتفي علشان أتكلم ".
أكمل: "وقتها كنت طفل صغير أقف قدام ناس كبيرة وبعد ما خلصت التمثيلية كنت واقف على صناديق حاجه ساقعة فاضية ولابس شورت وقميص بنص كم وصندل لما رحت البيت أبويا سألني مثلت قدام مين؟ قلتله مش عارف".
أردف: "في السهرة الاذاعية يوم الخميس كنا نعد بقى سمعوا التمثيلية كان الابطال هم صلاح منصور وزوزو نبيل وحسن البارودي والاستاذ الدكتور نبيل الالفي وده أول عمل عملته".
وتابع: "تاني عمل أعمله رحت المسرح القومي أعمل مسرحية إسمها ملك القطن بطولة عبد الله غيث سامية رشدي دول أبطال اول عمل مسرحي".
اقرأ أيضا | سامي مغاوري: أحد أدوار الفن التوعية والتنوير
