كشف المخرج ماندو العدل، عدد من تفاصيل مسلسله الجديد بطولة الفنان يوسف الشريف، والمقرر ان ينافس به في سباق دراما رمضان ٢٠٢٤.
وقال ماندو العدل خلال لقائه في برنامج "الراديو بيضحك" عبر إذاعة "الراديو 9090": " هو مسلسل اجتماعي لكن لنفس العوامل اللي الجمهور بيحبها في مسلسلات يوسف، في مفاجآت هو مسلسل مشوق".
واضاف ماندو العدل، "متحمس جدا للتجربة وبحب يوسف كمتفرج وعمري ما اشتغلت معاه ودايما بتتفرج على مسلسلاته وبحس أنها حاجة مهمة وهو عنده قاعدة شعبية رهيبة وأتمنى أن التجميعة دي وأني اشتغل معاه وأنا عندي طريقة وأعمال ليها طابع وهو أعماله ليها طابع أتمنى أن الدمج بين العلمين دول يخلقوا حاجة كويسة، هو مجتهد ومركز وعارف أن جمهور كبير مستنيه وعاوز يعملهم حاجة مرضية.
يذكر ان اخر اعمال ماندو العدل، فيلم "ع الزيرو" والذي يعرض حاليا بدور العرض السينمائي بطولة النجم محمد رمضان ونيللي كريم.
