رجب الأغر يكتب: صاحب مقام

مانا الخيبان

والمدهول على عينه

وأنا الطفشان من روحه

فمتلفوش على عضمى 

وتنبشوا  هنا  ف نبضى 

لتصيبكوا اللعنة

ويبان مستوركم 

الله يستركم

خلونى تايهة ف بلاد الله 

بقلب رزقى فى الحواديت 

يمكن تطلعلى  ست الحسن

وأمنا  الغولة من نظرية الاحتباس 

والمد الجذرى ف القلب

القلب اللى  دخلتوه 

من غير إذن

أو تصريح 

واحتليتوا كل المساحات

حتى خطوط الطول والعرض

فسبونى فى أرض الله ماشى

مع الحكايات..

و الشاطر حسن

وشهرذاد

يمكن ألاقى حبة عيال

أضحك عليهم بكلمتين

ويكونوا ليا الحواريين

ويكونلى منهج واتجاه 

ومريدين..

ويقصدونى بالنذور 

من كل فج 

قبل ما أهج من نفسى.

نقلا عن عدد أخبار الأدب بتاريخ 14/5/2023

اقرأ أيضًا : «مصر يا أم الدنيا يا خير الديار».. شاعر أردني يتغزل في مصر وشعبها بقصيدة