فين رايحين ؟ 2012- م 04:58:30 السبت 31 - مارس نصر فتحى اللوزى لازم اعرف سكتى ازاى هحقق امنيتى لازم اعرف فين هتكون خطوتى لازم اعرف ازاى هترجع بسمتى لازم تقولى ازاى هتجف دمعتى لازم تقولى ازاى هتزرع وردتى لازم تقولى فين رايحين لازم تقولى ليه واقفين لازم تقولى هى الدموع فى عنيه ليه سيل بيبكى على ارض عفيه لازم اعرف سكتى فين رايحة خطوتى لازم اعرف لون القميص والتوب والوردى يكون خالى من الشحوب ليه خيوط الشمس اختفت وليه القمراية علينا بكت لازم تقولى فين رايحين كلنا من المعسول خايفين فى قلوبنا طريق العاشقين احنا لسه بالامل عايشين لازم تقولى فين رايحين لازم تقولى فين ورق الشجر وليه خاصمتنا حبات المطر وفى ليلة صافية غاب القمر لازم أعرف ليه انا هنا غريب قلبى عايز الف طبيب وطبيب لازم تقولى فين رايحين فين زغرودة الفرحانين ليه ماتت جوه المشتاقين انا فى الطريق بعد الالف واللام كرهت السكوت معاه فى خصام النكره يقول ويزيد بس فى كلام معسوله لنا يبقى ضباب وغمام عايز ابقى فارس ومعايا اللجام قولى سكتى فين بعيد عن اللئام أنا همشى فى الطريق لو شوك الامل فى قلبى له حب وصكوك لازم تقولى فين رايحين صخور شايلها من سنين لازم اعرف معاك سكتى ازاى هحقق معاك امنيتى قولى علشان ابدأ خطوتى لازم تقولى فين رايحين الكلام والامل مش كافيين ايدى معاك بالعرق بانيين دى سكتى سكة العاشقين
