نشرت أسما شريف منير فيديو عبر حسابها بـ"إنستجرام"، أعلنت فيه أنها قررت أن تبيع سيارتها من أجل أن تبدأ في مشروع خاص بالملابس.
وكتبت أسما شريف منير تعليقًا على الفيديو الذي نشرته عبر حسابها بموقع إنستجرام: قررت أشارككم رحلتي اللي ببدأها من الصفر للمرة الثالثة في حياتي، كنت فاكرة إني هنزل الفيديو ده بعد سنين كتير بس قلت أكون معاكم خطوة بخطوة، وعايزاكم تكونوا جزء منها.
وأضافت أسما شريف منير: "أنا بقالي 15 سنة مسؤولة عن نفسي، طبعًا لما بنهار خالص أبويا بيلحقني بس بعيد عن كده ده قراري، أني أكون مسؤولة عن نفسي.. المهم قررت بعد رحلة طويلة من الهيلنج والشغل على تطوير نفسي، أني إحقق حلم كنت بحلم بيه من زمان أوي".
واستكملت ابنة الفنان شريف منير: "كان دايمًا فيه ناس بتحاربني وبتعطلني إني أحقق حلمي في الشركة دي وكم الناس اللي أحبطتني وقالت لي بلاش ومش وقته وهيحاربوكي، انتي عبيطة في حد يبيع عربيته في الغلي ده، مش هتعرفي تجيبي عربية تاني".
وأكملت: "أنا صممت عشان مؤمنة بحلمي وعادي أني اتكسف شوية وابني تاني زي ما بنيت أولاني وتاني، أنا مقتنعة إننا احنا اللي بنعمل الفلوس مش هي اللي بتعملنا، والرزق متقسم ومحفوظ فاللي يحارب يحارب واللي يحبط يحبط، وأنا مكملة، عمرو مؤمن زيي بالظبط وعنده نفس حماسي وحلمي فاقرر يجازف هو كمان ونبدأ مشروعنا بكل طاقتنا وبكل حاجة جوانا من طاقة…كملوا معانا الرحلة لسه في تفاصيل كتير".
اقرا ايضا | أسما شريف منير تثير الجدل بلوك جديد
