قامت الفنانة ياسمين صبري، بتجربة على الهواء بتعليم "يوجا الكرسي" للإعلامي عمرو أديب أثناء استضافتها في برنامجه "الحكاية" عبر شاشة MBC مصر.
وجلس أديب بجوارها، موجهة حديثها له قائلة: "أولًا أنت مش فارد ضهرك" ليرد عليها أديب قائلًا: "دي أكتر حاجة عندي".
واستكملت نصائحها له قائلة: "نزل دقنك عادي، وتنظم نفسك، متتنفسش من فمك، لكن من مناخيرك، زي الطفل أما بينام بيكون نفسه من بطنه".
وتابعت ياسمين صبري حديثها: "لما بتنظم نفسك أعصابك بتهدي ويومك بيبقى أحسن، وكل شي في الحياة ليها تردد، المزيكا ليها ترددات معينة بتريح الأعصاب".
ليرد عليها عمرو أديب ساخرًا: "العلاج المهم بحسه في طبق فول أفضل من اليوجا بكتير" لترد عليه ياسمين: "لما تجرب اليوجا بتلاقي الحاجات اللي بتعصبك بتاخد منك رد فعل أهدى".
اقرأ أيضا | «روحانيات» ياسمين صبري في عمل درامي جديد
