كشف الفنان أمير كرارة عن كواليس تصوير أصعب مشهد في فيلم "هروب اضطراري"، مشيرًا إلى أن أحمد السقا كان سيكسر له فكه بسبب هذا المشهد.
وأضاف في لقائه مع الإعلامية فاطمة مصطفى في برنامج الراديو بيضحك على راديو 90 90: «أحمد السقا جميل، وأخويا ومحترف في الأكشن، ولعبته من قبلنا بكتير، وعملنا مع بعض هروب اضطراري ونسل الأغراب».
وتابع: «في مشهد عملناه في أوضة إزاز في هروب اضطراري، وكنا بنضرب بعض، والمخرج جاب الشوت لونج وشاف الأوضة بتتهز، وكنا بنضرب بعض فلاقيت تليفون وبضربه بيه على وشه، وحظي إن سلك التليفون لف من ورا دماغه وراح على عينه، فخد السلك وضرب، فسمعنا حاجة بتتحرك ولاقيت فكي اتهز ومش عارف يرجع».
واستطرد:«السقا اطمن عليا بعد المشهد وهو مخدش باله وبيحب مصلحة الناس كلها، وقعدت بعدها بكام يوم والحمد لله فكي متكسرش يمكن دي المرة الوحيدة اللي حصل فيها حاجة والحمد لله كانت خفيفة».
وينتظر أمير كرارة عرض أحدث أفلامه "البعبع" في عيد الأضحى.
أبطال فيلم البعبع
يشارك في بطولة فيلم البعبع: أمير كرارة، ياسمين صبري، باسم سمرة، محمد عبد الرحمن توتا، محمد أنور، عباس أبو الحسن، وهو من تأليف إيهاب بليبل، وإخراج حسين المنباوي.
