علقت غادة والي مصممة الجرافيك، على اتهامها بسرقة أعمال فنان روسي واستخدامها في إعلانات خاصة لإحدى شركات المياه الغازية دون علم صاحبها، قائلة "أول مرة أطلع وأتكلم فيها طول حياتي، السنة اللي فاتت تعرضت لأزمة إعلامية كبيرة ووقتها كنت باولد وحدثت لي مشاكل في الولادة وكنت في المستشفى ولم استطيع الأرد بكل قوتي، لكن هذه المرة سأرد، أنا زي أي حد تعرض لتنمر إلكتروني وتأثرت نفسياً ومهنياً لمدة سنة كاملة".
اقرأ أيضاً .. الفنانة التشكيلية غادة والي: الفنان الروسي يسعى لحصد الشهرة على حسابي
وقالت والي خلال تصريحات ببرنامج "تفاعلكم" المذاع على قناة "العربية": "للمرة الثانية أتعرض للتنمر الإلكتروني وهذا بالنسبة لي كابوس مش قادرة أشوفه تاني بيحصل لي من غير ما أعرف أتكلم وأدافع عن نفسي، أنا من ساعة ما رجعت من إيطاليا بعد ما خلصت الماجستير كل هدفي في الحياة إزاي أخلي التصميم يحي التراث المصري وده مش أول مشروع بعمله بيتكلم عن نفس الفكرة، ولا تاني ولا تالت ولا رابع ومش أي حد بيقول أي اتهام نصدقه من غير ما يكون فيه أي دلائل".
وأوضحت: "حملة شركات المياه الغازية اتعملت في 2018 وأنا رسمت الرسومات دي بإيدي ودي كانت أول مرة الشركة تقتبس من فنان مصري ومتاخدش تصميم من نيويورك أو مكان تاني عالمي، ومن كتر نجاح الحملة الشركة طلبت مني أعمل مسابقة في كلية فنون تطبيقية مع الطلاب بنفس الفكرة ازاي يحيوا تصميم مصري بيحبوه وده أحلى حاجة شوفتها في حياتي لإن هدفي كان بيتحقق لإنهم حسوا بانتماء لتاريخنا وتصاميماتنا الملهمة الجميلة اللي مش محتاجين نقلد حد ولا نوصل لحاجة برة.
وأضافت أنا بحترم كل الفنانين داخل وخارج مصر وبحترم القانون المصري والقضاء المصري لإنه كان قضاء عادل وهلجأ له لإن أنا تعبت جداً على بناء شركتي خلال 15 سنة وأني أوصل لثقة العميل ومش هسيب حقي وبحترم شغلي اللي فات واللي جاي".
