قالت "أميرة" ابنة الفنان الراحل سيد مكاوي، إنّ والدها الراحل كان مختلفًا نظرًا لظروف فقدان بصره.
وأضافت - خلال لقائها ببرنامج "كلمة أخيرة" مع الإعلامية لميس الحديدي عبر شاشة "on"، قائلة: "عشت فترة متخيلة إني كنت بساعده واكتشفت إنه هو اللي بيساعدنا طول الوقت، وكان "جلابية" حنان متعلقين بها طول الوقت".
وأضافت: "عمري ما شوفت والدي بيزعق والخصام كان هو العقاب الأشد لينا، وكنت فاكرة إنه بيشوف لغاية ما عمري وصل 6 سنين.. ومكانش يخليني أشوفه من غير النضارة.. وهو عفريت جدا بيعمل حاجات كتير مرعبة تحسسك إنه بيشوف زي إنه بيعمل شاي وبيلبس لوحده".
اقرأ أيضا: لطفي لبيب: أنا بخير ولم أعتزل.. والشائعات زعلتني | فيديو
وتابعت: "غميت عيني لبعض الوقت عشان أحس بأبويا كان بيحس إيه، وكنت بأخذ رأيه في لبسي رغم إنه مش شايفه".
وأكملت: "رغم مرور سنين على وفاته مش بقدر أشوفه على الشاشة لأني مش عارفه أحضنه وأطبطب عليه".
