أعرب الفنان شريف منير، عن استيائه من المذيعة بالتليفزيون المصري عزة الحناوي، بعد هجومها غير المبرر على الرئيس عبدالفتاح السيسي.
وهاجم " منير" الإعلامية، خلال مداخلة هاتفية مع الإعلامي أحمد موسى، ببرنامج "على مسئوليتي"، قائلا: "أنا مش هزعق بس اعتبرني بزعق، فهحاول أسيطر على أعصابي شوية، لأنه لما حد يكون شايف إنجازات ويقول إنه مش بيحصل حاجة يبقى يبص لنفسه ويروح يتعالج، إحنا مش ملاحقين على الفضائيات اللي عمالة تحبط فينا، يبقى كمان التليفزيون المصري بتاعنا تطلع على شاشته مذيعة تهاجم، ماينفعش أبدًا".
وتابع هجومه: "طريقة المذيعة لا تليق، ولا تمت إطلاقًا عن تقبل الآخر، ده تليفزيون الدولة وإذا كنتي مش شايفة اللي بيحصل يبقى لازم تشوفي حد يكشف عليكي، الإنجازات موجودة، قناة السويس اتفتحت في ميعادها، وفي تطوير مع بلاد كتير، وشكلنا الذي أدام العالم، إحنا نبتقدم ومتشكرين جدًا على رأيك، الطائرة المصرية طارت خلاص، واللي مقدرش يلحقها يقعد يُلطم مع نفسه».
واختتم الفنان "شريف منير" المداخلة الهاتفية، برفض أن يكون هذا هو وضع تليفيزيون الدولة وحال العاملين به، قائلا: " اللي مابيشوفش الإنجازات اللي بتحصل يبقى أعمى، كله ده ومش عاجبين حضرتك، لازم نوقف التليفزيون ده على رجليه بس على نضافة، إنت غلطتي قبل كده ومحدش كلمك، عشان كلامك ملوش لزمة، وغلطتي تاني، ومحدش برده هيكلمك، اسكتي بقى واشتغلي وبس، وخليكي ورا دولتك".
